L’obrador lo Solòr : actor economic locau desvolopant ua produccion responsabla au prètz juste
Boosting the local economy
Guardar lo noste patrimòni uman e tecnic qu’ei lo noste purmèr engatjament.
En 4 ans, 8 emplecs qu’estón creats en fabricar cauçaduras en Bearn. A la represa de l’obrador, ne demorava pas sonque un obrèr. Per estar drin de retrèit, lo Robert qu’avè un saber-har de purmèra. Que hè 3 ans que partatja lo son mestièr de sabatèr-botièr. Qu’arcuelhem companhs deu dever per un an e estagiaris tà ensajar de har vàder vocacions. En mei, que sostienem iniciativa en favor de la cultura bearnesa
Mestiors a 90% francesas e 100% europèa.
Tà redusir au mei la mèrca de carbòni, qu’adoptam quauques principis : mestiors francesas a mei de 90%, liurasons collaboratius per ua part deu trafic. Los cuers que son gessits de tanerias francesas qui respectan nòrmas europèas estrictas per l’usatge de produits quimics e peu tractament de las aigas. Aquestas nòrmas qu’asseguran l’innocuitat deus cuers per la santat. Daubuns cuers que son tanats dab tanins vegetaus : qu’ei lo cas de » purmèras de montatge e de netetat » utilizadas peu l’Obrador Lo Solòr. La purmèra de montatge qu’ei la partida de devath de la cauçadura, a on lo vòste pè ei pausat.
02
Produsir responsable
Produsir sus comanda o sus mesura, que guaranteish ua mei grana satisfaccion deu consumidor e un enriquiment sociau. Que permet tanben de redusir lo desperdici de ressorças naturaus e de tribalh. Lo noste objectiu : la perennitat programada.
Cauçaduras duradissas e soladas
Las nostas cauçaduras que son montadas a la man, çò qui hè que las podem tornar solar mantuns còps. Atau, que podetz guardar lo vòste par de cauçaduras pro longtemps tà plan rentabilizar l’investiment. Atau, que’vs arretrobatz en un movement de consum responsable. Cada an, un francés que crompa en mejana 5 pars de cauçaduras (Federacion de la cauçadura – 2019). Un deus nostes engatjaments : vos ajudar a crompar mensh, mes de mei bona qualitat, atau que limitatz la vòsta emprenta environamentau, aquò qu’ei bon per la planeta e bon per vosauts
Utilizacion de mestiors sanas taus vòstes pès e tà la planeta.
L’industria de taneria perisseria qu’ei ua activitat millenària de reciclatge e de valorizacion de milèrs de tonas de pèths, cada dia generats per la matèra de bèstias de carn. Shens aqueste reciclatge, quau seré lo pes environamentau ? E valeré miei remplaçar lo cuer per mestiors sinteticas hèitas dab petròli o mestiors recicladas de l’auta part de la planeta ? Lo dossièr n’ei pas clavat e nosauts, que cercam alternativas tau futur.
03
Un prètz juste tota l’annada
En França, la man d’òbra qu’ei mei pagada e respectada que dens daubuns país d’Asia ( qu’ei 7 còps mensh cara en Indonesia) o d’Africa. En crompar cauçaduras » lo Solòr « , que crompatz lo saber-har deus nostes mestieraus, deus nostes hornidors, qui utilizan mestiors de qualitat. Qu’ei tanben acompanhar lo noste engatjament a crear produits qui hèn sens e sostiéner la justa remuneracion de cada actor deu procediment de fabricacion. Har en França qu’impausa de har marges redusits. Alavetz, tà non pas véner dab pèrtas ne hèm pas nat rebaish.