Lo labèl «Enterpresa deu patrimòni viu» (EPV)
qu’ei un labèl oficiau francés,creat en 2005, desliurat devath l’autoritat deu ministèri de l’Economia e de las Finanças, entà distinguir enterpresas francesas aus saber-har artisanaus e industriaus jutjats com d’excelléncia.
Lo saber-har reconegut deu Talhèr Lo Soulor qu’ei lo cosut-norvegian.
Qué ?
França, dens lo linhatge deu concèpte de patrimòni culturau immateriau defenut per l'Unesco, qu'a causit d'aplicar aqueth concèpte a enterpresas. Aquera terminologia « qu'evòca l'idèa d'un ensemble comun a un nombre important de personas, transmissibla de generacion en generacion, beneficiant o necessitant ua proteccion particulara entà perméter la soa conservacion o evitar la soa disparicion ».
De la veireria a la cauçadura, en passant per la joieria e l'arquitectura, lo labèl Enterpresas deu Patrimòni Viu (EPV) que valoriza lo saber-har a la francesa.
En 2021, qu'i a mei de 1 448 enterpresas detentoras deu labèl EPV. Aqueras societats aus saber-har d'excepcion que genèran nombrós emplecs sus l'ensemble deu territòri francés .
Com ?
La procedura d'atribucion deu labèl EPV qu'ei miada per expèrts . L'instruccion e l'apreciacion d'aqueths critèris d'obtencion que son hidadas a l'INMA (Institut Nacionau deus Mestièrs d'Art).
L'Examen deu dossièr de candidatura que balha lòc a ua visita deus sites de produccion de las enterpresas candidatas per expèrts deu mestièr, redaccion d'un rapòrt d'instruccion, examen e avís per aqueras Personalitats Qualificadas, decision d'atribucion remetuda peus prefèctes de region : lo procediment de seleccion de las Enterpresas deu Patrimòni Viu qu'ei ua guarantida de la lor excelléncia .
Aqueth labèl, obtienut peu Talhèr Lo Soulor en mai de 2020 qu'ei valable cinc ans e qu'ei renovelable .
Entà qué har ?
L'objectiu qu'ei de labelliser tot çò qui contribua a valorizar lo patrimòni, qu'ei a díser la raretat, la notorietat e l'originalitat deus produits, o plan enqüèra la possession d'un nom o d'ua mèrca celèbra. Las enterpresas que deven egaument possedir un saber-har rare e notòri.
La mestresa de tecnicas tradicionaus o de hauta tecnicitat que requereish competéncias particularas qui pòden pas estar aqueridas per formacions normaus.
Lo gèste professionau, la tecnica deu gèste que son l'objècte de la proteccion auhèrta peu labèl .
Lo darrèr critèri qu'ei la reputacion de la dimension culturau de l'enterpresa (faiçon de tribalhar, locaus a valor istorica o arquitecturau, etc.) e l'ancianetat de la lor implantacion geografica.
Entad aqueras societats sovent centenàrias, aqueth labèl qu'ei un gatge de qualitat a l'internacionau .