Stéphane e Philippe que s’encontren en un mercat de nueit, a l’entorn d’un taulèr de cauçaduras. Lo purmèr que parla d’un talhèr bearnés, sabatèr de montanha. Lo segond, qui’s peleja contre los produits de maishanta qualitat « hèits aulhors », qu’escota, e qu’encontra, ad aqueth moment, lo son alter ego.
Ací qu’avetz los dus compairs
lo Stéphane, 1.87m d’eficacitat, de planvolença, de calma quau que sia la situacion e lo Philippe, bonet suu cap, que s’i hè a desvolopar e a promòver lo son Bearn tant aimat.
Qu’ei amassa que van partir a l’aventura, la qui torna hicar çò d’essenciau au còr de cada accion : har perdurar un saber-har francés, utilizar mestiors de qualitat, tà produsir cauçaduras a l’encòp beròjas e duradissas. Que’s vòlen inscríver dens un anar de consum pensat e responsable.
Tad eths, la nocion d’emplec locau qu’a ua significacion vertadèra e lo nhac qui an que’us permet d’aumentar l’efectiu de l’obrador de 3 dinc a 12 emplegats en 4 ans.
Conscienta de la riquessa de las tecnicas utilizadas a l’obrador, com lo montatge a la man e lo « Cousu Norvégien », l’equipa navèra qu’assegura la transmission aus mei joens. Despuish 2 ans, l’equipa qu’arcuelha companhs deu dever per periòdes de 12 mes.
Ça-vietz descobrir las hemnas e los òmis qui hèn las vòstas cauçaduras...
galerìe fotougrafìes →
